Frå underteikninga av avtalen. Styreleiar Jon Kund (i midten) i Sunnhordland lufthavn as underteiknar avtalen saman med Bømlo-ordførar Inge Reidar Kallevåg og samferdsleminister Magnhild Meltveit Kleppa. Foto: Samferdsledepartementet.

Tryggleik for drift
Samferdsleminister Magnhild Meltveit Kleppa underteikna avtalen i dag. Ho seier at lufthamna er viktig for busetnad og næringsliv.

– Dei aller fleste næringslivsreisene mellom regionen og Oslo skjer no frå Stord lufthamn. Med denne avtalen får folk og næringsliv i regionen tryggleik for at drifta er sikra for ein lengre periode, seier statsråden.

12 millionar i året
Avtalen sikrar eit årleg tilskott til drift av lufthamna på inntil 12 millionar kroner, og gjeld fram til utgangen av 2014.

Stord lufthamn har til no hatt statleg tilskott til AFIS, som er eit system for flygeinformasjonstenester. Den nye ordninga inneber at staten er med på å ta eit økonomisk ansvar for drifta av flyplassen, samtidig som tilskotet til AFIS vert førd vidare både for Stord og for dei andre ikkje-statlege lufthamnene som har slik støtte i dag.